Home 趣味新聞 【引渡惡法】譚詠麟孖鍾鎮濤上台撐警

【引渡惡法】譚詠麟孖鍾鎮濤上台撐警

0
【引渡惡法】譚詠麟孖鍾鎮濤上台撐警

建制派立法會議員何君堯與親中團體「香港政研會」,今日下午3時於添馬公園舉行「撐警集會」,大會呼籲參加者穿上淺藍或白色上衣。

在集會人士之中,有媒體遇見影帝梁家輝,他戴上黑超、身穿白色背心及藍色恤衫,有不少人士與他合照,不過梁家輝未表達意見,只稱:「香港警察值得支持。」另外,集會之中又見到撐警常客陳欣健,他於回歸前曾擔任警司,過往多次出席支持警隊活動,今日陳欣健亦穿上淺藍色恤衫集會。

陳欣健接受訪問時回應出席撐警活動:「如果冇一個守法嘅社會,咁就成個社會冧晒㗎喇,所以一定要靠警察,唔可以去指望其他人,我自己以前做過警察,我自己睇咗好多新聞報道,好明顯係有一小撮人搞破壞,我好尊重和平示威遊行嘅人,自己都有朋友有參與,每個人都有自己表達意見嘅權利,但我就好反對拎住武器、攞磚頭同自製武器對付警察嘅人。」

好多新聞片中,見到警方過份使用暴力,陳欣健卻不認同:「我覺得唔係囉,我睇晒所有新聞片,根本斷章取義,唔通警察俾人打嗰啲係卡通片?」記者指很多片段見到警方對手無寸鐵市民使用過份暴力,陳欣健說:「乜嘢叫做過份,我諗係要個別情況去睇,我唔喺前線嗰度,我唔可以去批評,警察一向個訓練都話要用相等嘅武力,但相等嘅武力係要將你制服,唔係要同你打和,大家揸手一人攞一個獎盃喎,所以佢一定要制服你,武力一定要比你稍為大咗啲,能夠驅趕你,或者避開個危機。咁一張相或者一個片段,我唔係儍㗎嘛,我咁多年(當年做警察),自己唔識自己睇同埋有個結論、定論咩。」陳欣健又指沒有約家輝一起前往集會,兩人只是碰到遇見。另外,傳媒亦曾聯絡梁家輝,但暫時未能聯絡得上。

譚詠麟、鍾鎮濤及陳友亦有參與集會,譚詠麟上台時稱不想涉足政治,但又稱:「再咁落去,香港無得救。再搞落去無人管治到香港。」而鍾鎮濤在台上表示要講的是正義,希望子女能知道對錯,他又斥現時年青人「九唔搭八」,強調孝順父母及奉公守法是理所當然的事,三人又高叫口號:「阿Sir、Madam,辛苦晒,我哋絕對撐你。」

(資料來源:網上截圖/連結)

搜尋