我可以話比大家聽，如果你已有病徵又想盡快做武肺病毒檢測，原來係十分困難！
衛生防護中心口講就講話市民要盡快做檢測，但背後自己根本都驗唔切！
當我打電話去搵私營診所、醫院問嘅時候，遇倒以下情況：
– 有3 間都電話無人聽，然後cut 左線 （e.g. 寶血）
– 後日先有得做， 但要4-5 個工作天先有結果 （e.g. 卓健）
– 只限網上預約（港安話最快只可預約26/7）（問如果個老人家唔識上網可以點？佢話只得網上預約）
– 最快9/8 先有得檢測 （仁安）（咁測嚟做咩？只適合想要證明自己健康去外遊嘅人士）
– 話無病徵就安排你私人檢測條隊；有病徵就安排你去政府條隊做檢測 （政府要5個工作天）（盈健醫療）
– 有私家醫院個網站寫明唔會幫有病徵嘅人做測試，叫人去番公立醫院 （而私家醫院係可以 1-2 日就有結果），即係將個病人踢番俾政府。
– 話唔會再做檢測，仍唔知幾時會再做 （中文大學）
私家診所話政府化驗條隊係要5 個工作天， 到底有幾咁反智先可以係：
– 無病徵嘅人，排最快1-2 日嘅私家隊就有結果；
– 有病徵嘅人 （加埋無病徵嘅人又睇私家醫生及政府門診嘅人）， 都送去政府度驗 5 日或以上？
咁搞法， 有病徵嘅人點會咁快驗倒佢有定無？
話就話新聞每日報幾多幾多人感染左，
但要知道人數可以因為政府驗唔切而報少咗！