小妹同過一個住公屋既男仔拍拖，真係有Feel既，所以我先同佢發展！
佢唔高大，都唔靚仔，亦冇一份好工。
而且佢年紀都唔細，成35歲，絕對唔係個種「少年窮」可等佢成功，
如果我嫁比佢，就可以搬去佢間公屋住。
佢間公屋呢，就係一個細單位加埋我8個人。
如果我同佢生左小朋友，就TOTAL 9個人住。 我唔係好敢想像…點解9個人迫埋係入面…
一間細公屋有佢老豆老母，仲有佢呀哥同佢哥老婆，佢哥兩個仔。
都唔知佢哥幾時先排到公屋走！
如果我嫁埋入去一定有排迫，都知佢冇錢同我租出去，
佢老母開口叫我快D嫁比佢個仔!
我心諗，有冇咁多地方住呀？你間公屋咁細！
其實佢唔上進、唔叻仔都唔緊要……..重點發現佢成日賭錢！次次星期六去投注站買馬，一百幾十蚊都冇，都要問我拎。
冇錢仲要賭，我點交幸福比你
最後我要分手，佢知果陣有個唔錯家底的人追我，佢就話我因為佢窮，所以同佢分手！
但事實我冇因為要同第二個一齊所以飛佢，佢要罵我港女 。
大佬！如果我真係港女就唔會同你拍拖啦！曬我青春咩？
最估唔到佢要收返送過比我ge野。D禮物加埋都冇一萬，咁都要收！我問返佢計得咁清楚比你吉係咪要收返錢？？更加知分手係明確
一路以來都唔少追求者，單身了一段時間就更多了….
有一個都條件不錯，揸林寶又有自己有物業。
佢得行逢星期三晚，都同佢D生意拍檔入去馬場VIP房睇下馬 買下馬 玩兩手 又食下飯咁
佢表明想追我﹐問可唔可以比個機會佢~
我見佢咁有心，我就比個機會佢囉，呢D先叫成功男士。