自從舊年陳庭欣（Toby）公開同彩豐行老闆楊振源（Benny）拍拖後，今年就頻頻傳出婚訊，Toby就好直接講，男友未求婚。睇佢兩個拍拖未夠兩年，經常放閃，Toby同Benny父母，以及前妻所生嘅兩個仔仔相處得唔錯，就明點解會成日傳出婚訊喇。待嫁嘅Toby，最近有新搞作，佢個10億沐浴露大王男友Benny，投資咗千萬搞間健身養生館，做咗老闆娘嘅Toby，仲順便做埋代言人。
Toby呢日佢一身運動裝束，戴住cap帽，等人呀？夏日炎炎，平日朝早閒閒哋都三十四、五度，邊曬邊等，曬到Toby都皺晒眉。睇真啲，原來Toby全素顏喎，31歲嘅佢，話晒都係港姐冠軍，果然有料到，全素顏嘅顏值都幾高！真係太曬，搞到Toby都要返回室內避太陽，終於到喇，原來待嫁闊太等司機接，幾時都話，搵個有錢老公，好過搵份好工，Toby咪係好例子囉。
攝錄：志輝
去片：