「有片」阿姨我不想努力丨合味道杯麵棄用明星 新廣告抽跳舞群組水被網民讚夠薑

大膽創新廣告唔係個個老闆同客戶都Buy,不過搵開明星做代言人嘅日本杯麵品牌,最近就棄用藝人宣傳新出嘅杯麵,反而抽近期大熱嘅「跳舞群組」水,搵咗個大隻仔同睇落似40+嘅姨姨邊跳舞邊sell新產品,廣告出街之後引嚟網民激烈討論,唔少人仲讚廣告商大膽創新,夠薑拍攝兼推出這個廣告。

以往廣告商都傾向搵明星、藝人做宣傳,貪他們可以帶起明星效應,令產品獲得更多人關注及購買。不過隨時KOL、YouTuber等彈起,近年廣告商找代言人的準則亦有所改變。

廣告向來創新的日本知名杯麵品牌,過往曾找Twins、謝霆鋒、古巨基等明星做宣傳,但隨着時代轉變,近年此品牌轉為以動漫角色及KOL等宣傳及拍攝廣告。他們最新推出的廣告更反傳統,以廣告商都會避之則吉的時事熱話作題材來拍攝廣告。昨日他們在FB專頁中,上載了一條疑似以「跳舞群組」作題材的33秒廣告片,當中一位睇落似40+的姨姨,與一名上身只穿圍裙、頸戴煲呔的大隻仔跳貼身舞,姨姨在他旁跳了數秒後,大隻仔即將一隻拮住蘑菇的叉,遞到自己胸前餵食姨姨,一臉滿足的她食完粒蘑菇之後繼續於大隻仔身旁跳舞。鏡頭一轉,今次大隻仔就將捲有麵條嘅叉,遞到自己腋下前方,畀同樣跳舞跳得好開心嘅姨姨食,同樣地40路姨姨都係好滿足咁食咗啲麵。

睇到呢度,已經有唔少網民留言話個廣告好重口味,留言表示:「重口味宣傳」、「非一般勇氣」、「我應該會有一排唔會再食合味道杯麵」,但亦有唔少網民大讚客戶夠開通:「個客咁敢玩,真係值得頒個獎比佢」、「你哋老闆咁開通嘅,夠膽玩,正呀!」、「我特登嚟畀like客戶,good client!」、「個idea係咪來自跳老舞群組?如果係,咁成個production又幾快喎。」、「邊度有得賣,我要un住食。」

日本杯麵品牌昨日推出新廣告。(FB截圖)
日本杯麵品牌昨日推出新廣告。(FB截圖)
廣告內以近期時事熱話「跳舞群組」作主題。(影片截圖)
廣告內以近期時事熱話「跳舞群組」作主題。(影片截圖)
呢個鏡頭好重口味。(影片截圖)
呢個鏡頭好重口味。(影片截圖)
女主角同大隻仔跳舞跳得好開心。(影片截圖)
女主角同大隻仔跳舞跳得好開心。(影片截圖)
女主角阿姨一臉滿足。(影片截圖)
女主角阿姨一臉滿足。(影片截圖)
(影片截圖)
(影片截圖)
網民留言大讚廣告客戶夠大膽。(影片截圖)
網民留言大讚廣告客戶夠大膽。(影片截圖)
唔少人一睇就知個廣告係抽跳舞群組水。(影片截圖)
唔少人一睇就知個廣告係抽跳舞群組水。(影片截圖)
過往該杯麵品牌都起用明星做宣傳。(資料截圖)
過往該杯麵品牌都起用明星做宣傳。(資料截圖)

去片:https://www.facebook.com/CupNoodlesHK/videos/421029789273489

 

喜歡我們的文章嗎?按個讚吧!

x