今次係一個連登仔既故事,佢叫阿文,佢屋企係無乜錢,
有一個阿哥,佢阿哥係果D成日失蹤夜生活果D廢人,
有一日,阿文一番屋企就聽到佢阿哥同老豆老媽炒大獲,又係為錢,
但今次吾同既係改變左阿文一生既…..
原來佢阿哥經人介紹去左一間醫院度做,
就係停屍間既看守人!
因為聽到人工高過出面D工成3倍,撲到去啦
點知第一日番工已然頂吾順, 重借左糧依家又話吾做, 所以問屋企比錢佢, 佢玩曬D錢啦
又吾番工,屋企人又無$, 阿文好單純諗,人工高我頂你個位!!!叫佢番醫院改話佢去做,
佢阿哥即NUR飯認啦, 阿文一心諗我無害人,吾怕既,但係佢老媽就好擔心…..
阿文番工照公司指引做野,裝下香呀,巡下無乜野呀,,
點知….過左2日,佢半夜開始聽到好多聲音係停屍間傳出來..
一開始以為係自己嚇自己..慢慢佢發覺吾係聽錯,而係真係有聲,
吾同時間有吾同聲音,有打櫃筒聲,笑聲,哭聲同叫聲,
之前佢阿哥已經叫佢自己執生, 原來咁堅!
但佢吾想吾做,一來人工吾少,二來佢吾想比人睇死佢一家人無信用無出息,
死頂左幾日阿文終於同佢老媽講醫院既情況, 佢媽當然叫佢吾好做啦但佢死撐話想
搵D錢番來,之後佢諗 D屍吾攪我, 我自己睇書聽收音機扮吾知囉…
但吾係咁簡單,果D聲係直接傳入個腦咁,好辛苦,阿文番到屋企都發惡夢,
佢媽見佢一日殘過一日就走去求左一道平安符同比左一本佛經佢,
佢半信半疑都攞左番工,重攞左一本PLAYBOY來充喜下! 到左半夜D聲都好多令都阿文好煩到好嬲,
佢一嬲D書趺左落地,佢執左本佛經就試下啦
佢吾敢念出聲就係心唸, 好神奇個心好似即刻定番曬, 佢就一路諗吾好攪我,吾好攪我
吾好攪我吾好攪我…
自從唸左經個人定左好多又無乜野發生,阿文就好平靜啦, 點知有一晚,佢半夜發覺開
始有叩櫃筒聲,重越來越大聲,佢開始吾想理,但係D聲好大,佢吾理遲早都會有人發覺
要佢去睇,佢打比上頭又無人聽,佢就去偷望下停屍間,係門口佢開始聽到:「好辛苦,救我呀!
好辛苦,救我呀,好辛苦,救我呀」
阿文點左一大扎香,心諗死就死,會你一次! 心呼吸行埋個櫃度..一手打開同時彈開左幾步,
佢未敢第一時間睇入面, 突然有幾隻好白既手指頭放係金屬櫃筒邊, 阿文嚇到跌左係地下行吾到!
即刻心中唸唸有詞,南嘸阿爾陀,南嘸阿爾陀南嘸阿爾陀…..
突然有把聲”好辛苦,救我呀,好辛苦,救我呀,未死呀!
“阿文醒一醒,未死呀即是人啦,佢一睇入面有個7-80歲阿伯係個包膠袋入面伸隻手出來…
一支箭衝上樓去搵人幫手,之後個伯救得番,原來之前心臟病以為心停止左就打包了……
後來阿文成日同人講心中無愧就乜都吾驚;
幾個月之後,做左成年, 阿文想吾做,點知個阿伯來搵佢話介紹佢去做番份有前途D既工,
個阿伯係公司老闆,阿文就去佢公司做,文員仔做起,夜晚又去讀COURSE,又放假成日做義工,重係做義工識左佢個老婆仔添….依家有時飲茶都會撞到佢一家大細,升左職同老豆老母搬左樓,幾好…..
佢阿哥?失蹤啦!….