大家可以你問我答:(紅色字是問題,黑色字是我的解答)
1) 人工幾錢個鐘?
$32.5開波。跟手同你講話過咗試用期會加人工
查實坤鳩你,我做咗成年都未撚加個一蚊
————————————————
2) 時間係咪任自己選擇?
睇你遇到咩經理,我之前做嗰間啲經理俾我哋自己揀鐘隨便交。睇你遇到咩人
————————————————
3) 係咪4個鐘有一餐食?
係,做夠四個鐘比一餐你,放半個鐘,嗰半個鐘唔計人工嘅,我做嗰陣有$30俾我哋食,但係要散叫,冇得叫餐
4) D女係咪任經理食?
唔清楚,不過成日D新入職既靚妹,試過同個經理係廁所半粒鐘,出到黎衣衫不整
——————————
5) 係咪就咁walk in見工 就ok?
10間有8間都唔夠人用,多數walk in都請
——————————
6) 除左個$30 quota之外 你地唔可以自己酙杯野飲/整個包食既咩? 我成日見我個度間m記d員工食野飲野!
其實如果跟公司規矩的話,員工淨係比你飲水,食野只係放飯嗰30蚊quotas ,如果你想另外再食,多數都自己磅水
但通常黎講,你一杯兩杯基本上係冇人理你嘅,除非個經理好(通常係店長啲卜街)跟規矩或者人地恰你就諗都唔洗諗
包的話都係似上面,小弟試過自己砌海陸空包,隨便你玩
——————————
7) 點解唔搵其他工 m記人工咁低?
其實嗰陣係讀緊書做,志在同班fd返去玩,hea鐘。冇咩點理人工
————————–
8) D 經理 人工係咪高好多 ?有時見佢地都要落手做 有無間房仔坐?
正常經理人工一定高過組員
之前聽過PT經理有42.5一粒鐘(30蚊最低時薪嗰陣)
會有間房仔坐,但係好撚細間。
—————————–
9) 係咪成日有得偷食薯條?
係,不過做耐左聞到陣味好撚想嘔
—————————–
10) 做廚房? 豬柳蛋塊豬柳係咩豬柳黎?咁大塊既 我係百佳個d又唔見有!
唔清楚,豬柳箱嘅牌子都係M記,應該自己出,係咪真係豬肉就無人知!
百佳嗰啲, 唔細塊又點氹你買多幾包?
——————————-
11) 其實職員係咪可以俾大雞醬個客?點解有D分店既職員會俾、有D又話唔可以俾既?
我嗰間係會比,之前去個第二間佢話衛生問題話唔比,呢啲應該間間唔同
——————————-
12) 點解m記d卜街成日裝薯條都可以夠膽死裝一半比個客?
睇手神,我以前裝開就中薯當大薯裝,後尾比腦細店長屌會蝕錢!
13) 頂薪係去到幾多?
紅牌42 barista44 講緊半年前
14) 有冇伏野多數唔好叫,THX?
你留意下邊一d餐最多人叫,你就食個d餐。
你幻想下,一d無咩人叫既餐,我地都會整定d肉,
將舊肉煎完擺埋一邊,如果長期冇人叫,一定擺到乾左。
到時你都唔想食。
所以,通常越多人叫越(比較)新鮮。$23餐通常會冇伏,因為啲材料黎得快去得快,會新鮮啲!
15) 入左去做係唔係易D溝女?多唔多機會同同事講野?
女就未必,不過一定識到好多人。
畢竟麥當勞乜人都有。
我見過有人一次過打三份工,翻麥當勞係hea時間!
最極端啲嘅例子呢,就有樓上豪宅嘅二世祖落嚟做話打發時間
交流有機會一定會多,因為係入邊做成日要同人溝通
————————————————
16) 汽水機入面d汽水出哂會唔會洗?傳聞係咪永遠唔會洗 因為入面好dirty
炸薯條同薯餅d油幾耐換一次?
其實汽水機出曬汽,就一定會換糖漿,所以唔係永遠唔會洗!
不過一個月先會洗一次咁囉…..(24小時鋪頭的話)
油就每日都會過濾一次,油好似一個星期會換一次,睇邊間分店啦,
其實唔洗太擔心,d野都幾乾淨既
———————————————–
17) 做一個月就辭職得唔得? 點開口?
唔洗辭職,失蹤唔報更就得。
我耐家應該都失左蹤成年未辭職,
食飽飯冇屎屙咪過去玩幾個鐘!
18) 經理幾錢一個月左右?店長仲有冇得升?點解問人拎茄汁好似殺人全家咁既?
經理都分左幾級,多數由皮幾到最勁兩皮。
店長再升通常就上神檯去寫字樓。
茄汁我又唔覺喎,除非你一次過10包8包咁拎姐,不過有d同事我當左m記佢自己有股份咁,
d人問佢拎醬,好似係佢銀包攞錢咁!on99