TVB藝人江嘉敏最近步入26歲，獲不少圈中好友及網民送上生日祝福。壽星女Kaman在IG撰文，自言其中一個生日願望是帶眼識人，令不少網友都猜測她話中有話，似乎在暗寸馮盈盈。此外，她亦有在IG限時動態分享阿妹視角照，令妹妹的IG意外曝光。
江嘉敏的妹妹在IG限時動態上載了一張家姐戴口罩的照片，並大讚家姐江嘉敏「戴口罩都好靚」，同時祝Kaman身體健康及愈來愈靚與愈來愈瘦。
江嘉敏分享了妹妹的限時動態後，令其IG賬號曝光。Kaman妹妹的IG屬公開賬號，而且有過千followers。翻看IG，見到江嘉敏經常在妹妹IG留言，兩姊妹感情相當要好。
有網民指妹妹與江嘉敏似樣，大讚「兩個都靚」、「你同江嘉敏都好靚」，亦有網友認為妹妹比江嘉敏更靚：「比家姐重（仲）靚」。
江嘉敏亦有留言讚妹妹靚，不過就笑言「家姐靚啲」。妹妹就與家姐鬥靚，搞笑回應：「係靚過你影個啲相嘅 我係素顏美女」。
