你溝中產女,無錯係共同成長、共同致富,但壓力會好大,你買樓果陣就知,你想買個御龍山2房(980萬)?唔好意思人地厭太細太遠,最後你會被說服買灣仔囍滙2房(1,600萬),如果係屋邨妹,御龍山都開心滿足到不得了!
到你買車果陣,你唔好諗住買豐田Camry, 寶馬1系, 平治A Class喎,人地爸爸揸開寶馬M5, 保時捷Panamera呢種級數嘅車,你唔係諗住買平價車掛?如果屋邨妹,屋企車都冇,你有架普通車已經好滿足了!
到左買禮物,人地爸爸媽媽生日送名牌手袋,蛋糕喺半島四季買,你諗住買地鐵站果啲俾佢?不要傻了。
你識咁諗人,人地都識咁諗你,冇咁大個頭唔好戴咁大頂帽,除非你好有料,本身好有錢嘅,同中產女一樣嘅價值觀,輕鬆afford買港島豪宅、歐洲名車、法國名牌手袋,如果唔夠錢嘅,不如唔好咁快就學識睇人唔起,屋邨妹好失禮你?
重有呀我係算中產以上,屋企住二千幾呎,家庭都係十幾間左右物業的士收租。女朋友係住公屋,但反而佢唔理我做咩職業,我有時會揸下的士,自由自在,前排話想揸下巴士佢都支持(中意揸車)
相反我ex係我間大學,中產妹黎,成日既話題就係grad左之後要入邊間做,邊個勁邊個叻成日要贏咁。